Haupeschmaart zu Bäertrëff
En festen Rendez-Vous um Haupeschfest ass awer och um Sonnden Moien um 10.45 Auer d‘Haupeschmass die all Joer vum S.I.T Berdorf an der Briechkaul – Amphitheater organiséiert gëtt. Dëss Mass gëtt traditionell vun den „Trompes de Chasse Saint Hubert“ muikalesch encadéiert an gehéiert zum Berdorfer Kulturpatrimoine. Offréiert gëtt no der Mass en Glüwain, eng Drëpp oder een warmen Choky.
Wéi all Joer wëll ech schon am Viraus dem Organisateur, de Fraen a Mammen, een dëcke Merci fir hiert Engagement ausschwetzen an der 17. Editioun vill Succès wënschen.
Joe Nilles,
Buergermeescher Gemeng Berdorf
Wëllkomm op eisem 17. Konschthandwierkermaart zu Berdorf
Léif Visiteuren,
De 5. a 6. November 2022 ass et erëm sou wäit: Zu Berdorf an de Stroossen, an de Scheieren, am a ronderëm de Centre Culturel feiere mir mat iech zesummen déi 17, Editioun vum Haupeschfest.
Eng 100 Konschthandwierker freeën sech schonn drop, fir iech hir Konscht an hiert Handwierk virzestellen. Ausserdeem hunn d’Veräiner aus dem Duerf sech am Foodvillage hannert dem Centre.
Culturel zesumme fonnt fir iech kulinaresch ze verwinnen. Am Haff vun der Kéiserei Schmalen fannt dir, wéi gewinnt erëm lokal Produkter fir ze schmaachen an ze kafen.
Am Centre Culturel selwer, niewent ville Konschthandwierkerstänn, waart d’Kaffisstuff mat hausmaacher Patisserie op iech, Hei fannt dir och erëm eis grouss Tombola.
Sonndes moies ass och erëm déi traditionell Haupeschmass an der Breechkaul am schéinen Hierschtbësch.
Wärend dem ganze Joer hu fläisseg Hänn e puer dausend Entreesklamere gebastelt.
Alles ass also prett, a mir Fraen a Mamme freeën eis op äre Besuch.
Mir soen eiser Gemeng e grousse Merci fir hir wäertvoll Hëllef.
Mir alleguer hoffen iech bei beschtem Wieder zu Berdorf kennen ze begéinen.
Bis dohinner dann….
Léif Gréiss
Linda Hartmann,
Präsidentin Fraen a Mamme vu Berdorf
Haupeschfest 2022
Donateuren:
- Bijouterie Annick Mersch
- Glasbléiserei Pascale Seil
- Déiereklinik Mëllerdall Dr Schoos Sàrl
- Sungas
- Salon Contour
- Alves & Fries Agence principale Foyer
- Salon Diminutif, Echternach
