Am Kader vun hirer Chrëschtfeier huet Electricité Wagener et Fils des Kéier 70 Joer Bestoen gefeiert. Den Betrib ass 1951 vum François Wagener gegrënnt ginn. 1988 huet dunn säin fils de Lucien Wagener den Betrib iwwerholl. Déi drëtt Generatioun an der Persoun vum Wagener Tim schafft och schonn am Betrib.2020 huet Electricité Wagener et Fils nieft hirem Geschäft zu Mamer nach a Geschäft zu Niederanven iwwerholl. Doropshin ass déi zweet Firma gegrënnt ginn: Wagener Electronix. Do schaffen zéng Employéen an der Vente, Dépannage a Livraisounen. An de Geschäfter fannt Dir grouss a kleng Haushaltsapparater mee och Televisiounen a Museksanlagen. Vertruede sinn och déi grouss Marken, wéi Bang Olufsen a Loewe. All d'Wuere gi vun den Techniker geliwwert, installéiert a bei Bedarf och reparéiert. De Service steet hei ganz grouss am Mëttelpunkt. Gären deplacéieren si sech och bei Iech heem, fir Iech ze berode beim Kaf vun enger neier Museksanlag oder schéiner Televisioun, oder op Rdv am Geschäft..Bei Electricité Wagener et Fils schaffe 45 Leit. Hier Servicer deelen sech iwwert déi ganz Breed vun den Elektreschen Installatiounen op. Si sinn täteg an der Industrie, Schwaachstroum, Réseau informatique an Hausinstallatiounen. E ganz grousse Schwéierpunkt gëtt op Domotique geluecht, wou ee sech ob de Systeme „KNX“ spezialiséiert huet. Heimat kann déi ganz Haustechnik bestoend aus Luuchtesteierung, Voléeën,Heizung, Alarm, Kameraen, Energiemanagement a Musek mat enger Plattform gesteiert ginn an dat net nëmmen Doheem mee per Smartphone vun iwwerall.Do niewent huet Electricité Wagener et Fils och nach e Service petit travaux an Dépannage iwwert dee schnell op Demandë fir méi kleng Aarbechten oder eben Dépannage reagéiert ka ginn.Bei dëser Geleeënheet sinn de Maik Da Cunha an de Lorant Podlesnik fir zéng Joer an de Luis Batata fir 30 Joer Anciennetéit geéiert ginn. Dräi Leit sinn dëst Joer an hier verdéngte Pensioun gaangen: d'Lucie Lorrang, de Claudio Del Col an de Vincent Widart.Electricité Wagener et Fils wëll heimat all hire Mataarbechter merci soe fir hiren Asaz an hir Loyalitéit.Och all de Client'en gëllt e grousse Merci fir hiert Vertrauen. D'ganz Ekipp wënscht jidderengem ganz schéi Feierdeeg.